Applikazzjoni Maghluqa

Is-sejħa għall-applikazzjoni tal-programm Water Champion hija magħluqa. Għal kull informazzjoni jekk jogħġbok ikkuntattja Freephone – 8007 2337 jew ibgħat email fuq [email protected]

X’inhu l-proġett Water Champion?

Kun af aktar informazzjoni

Il-Kampanja Nazzjonali dwar il-Konservazzjoni tal-Ilma ser tkun qed tinvesti fit-titjib tal-effiċjenza fl-użu tal-ilma f’diversi djar bil-għan li timmotiva tnaqqis ġenerali li jista’ jitkejjel fid-domanda annwali tal-ilma u biex jiġu stabbiliti punti ta’ referenza nazzjonali fl-użu effiċjenti tal-ilma.

Uffiċjali tekniċi minn din il-Kampanja Nazzjonali se jżuru d-dar tiegħek, jevalwaw il-konsum tal-ilma tiegħek u jiddiskutu miegħek miżuri li jistgħu jittieħdu biex titjieb l-effiċjenza fl-użu tal-ilma. Miżuri bħal dawn jistgħu jinkludu s-sostituzzjoni ta’ punti ta’ użu jew apparat għall-użu tal-ilma, kif ukoll miżuri iktar evidenti bħal-xogħlijiet ta’ riabilitazzjoni ta’ ċisterni jew is-sostituzzjoni ta’ pajpijiet tal-ilma difettużi. Il-kampanja se tiffinanzja bis-sħiħ l-implimentazzjoni ta’ sett ta’ miżuri miftiehma biex b’hekk id-dar tiegħek tkun aktar effiċjenti fl-użu tal-ilma.

Bħala parti minn dan il-proċess tkun mitlub tagħti aċċess lill-Uffiċjali Tekniċi tal-Kampanja għad-dejta tal-konsum tal-ilma u tal-enerġija tiegħek sabiex ikunu jistgħu jimmonitorjaw, jaħdmu l-iffrankar tal-enerġija u tal-ilma tiegħek kif ukoll jagħtuk parir dwar l-iffrankar finanzjarju li tkun qed tagħmel.

Jekk ix-xogħlijiet meħtieġa huma vijabbli, isir ftehim li jorbot lill-applikant b’dawn:

Responsabbiltà għall-installazzjoni li ssir fl-uffiċini tiegħek għas-sentejn li ġejjin.
Aċċess għall-informazzjoni dwar il-konsum tal-ilma u dawl relatat mal-aħħar 24 xahar u l-24 xahar ta’ wara minn meta titlesta l-installazzjoni.
Din l-informazzjoni se tkun aċċessibbli mill-kuntratturi varji inkarigati mill-implimentazzjoni ta’ dan il-proġett kif ukoll tista’ tintuża kemm għar-riklamar u għall-iżvilupp ta’ informazzjoni.
Permess li jittieħdu ritratti u jinġibdu filmati tal-installazzjoni li hemm bżonn għall-fini ta’ awditjar.
Tingħata testimonjanza dwar dan l-intervent, flimkien ma’ ritratti u filmati, li jintużaw waqt il-Kampanja Nazzjonali għall-Konservazzjoni tal-Ilma.
Ninkariga rappreżentant jew lili nnifsi għal żjarat regolari minn rappreżentant tal-proġett għall-awditajar, monitoraġġ kif ukoll għall-implimentazzjoni tax-xogħlijiet.
Nipprovdi lir-rappreżentant tal-proġett b’informazzjoni relatata ma’ tibdil fid-dar, li jinkludu dawk ta’ mġiba kif ukoll strutturali.
Applikanti jridu jaqblu li juru tabella ta’ informazzjoni mas-sit dwar id-dettalji tax-xogħlijiet li jkunu saru.

Jekk ix-xogħlijiet meħtieġa huma vijabbli, isir ftehim li jorbot lill-applikant b’dawn:

Responsabbiltà għall-installazzjoni li ssir fir-razzett/għalqa tiegħi għas-sentejn li ġejjin
Aċċess għall-informazzjoni tal-konsum tal-ilma u dawl relatat mal-aħħar 24 xahar u l-24 xahar ta’ wara li titlesta l-installazzjoni. Din l-informazzjoni se tkun aċċessibbli wkoll mill-kuntratturi varji inkarigati mill-implimentazzjoni ta’ dan il-proġett kif ukoll tista’ tintuża kemm għar-riklamar u żvilupp ta’ informazzjoni
Permess għal teħid ta’ ritratti u filmati tal-installazzjoni li hemm bżonn għall-fini ta’ awditjar.
Tingħata testimonjanza dwar dan l-intervent, flimkien ma’ ritratti u filmati, li jintużaw waqt il-Kampanja Nazzjonali għall-Konservazzjoni tal-Ilma.
Preżenza (mis-sid jew rappreżentant) waqt żjarat regolari minn rappreżentant tal-proġett għall-awditjar, monitoraġġ kif ukoll għall-implimentazzjoni tax-xogħlijiet.
Nipprovdi lir-rappreżentant tal-proġett b’informazzjoni relatata ma’ tibdil fir-razzett/għalqa, li jinkludu dawk ta’ imġiba kif ukoll strutturali.
Naqbel li nuri tabella ta’ informazzjoni fuq is-sit dwar id-dettalji tax-xogħlijiet li jkunu saru.
Naċċetta żjarat organizzati għal skop ta’ disseminazzjoni u edukattivi.

Jekk ix-xogħlijiet meħtieġa huma vijabbli, isir ftehim li jorbot lill-applikant b’dawn:

Responsabbiltà għall-installazzjoni li ssir fid-dar tiegħek għas-sentejn li ġejjin
Aċċess għall-informazzjoni tal-konsum tal-ilma u dawl relatat mal-aħħar 24 xahar u l-24 xahar ta’ wara li titlesta l-installazzjoni. Din l-informazzjoni se tkun qed tinqasam mal-kuntratturi varji inkarigati mill-implimentazzjoni ta’ dan il-proġett kif ukoll tista’ tintuża kemm għar-riklamar żvilupp ta’ informazzjoni.
Permess ta’ teħid ta’ ritratti u filmati tal-installazzjoni li hemm bżonn, għal fini ta’ awditjar.
Testimonjanza dwar dan l-intervent, flimkien ma’ ritratti u filmati, li jintużaw waqt il-Kampanja Nazzjonali għall-Konservazzjoni tal-Ilma.
Preżenza (mis-sid jew rappreżentant) waqt żjarat regolari minn rappreżentant tal-proġett għall-awditjar, monitoraġġ kif ukoll għall-implimentazzjoni tax-xogħlijiet.
Komunikazzjoni mar-rappreżentant tal-proġett dwar żviluppi relatati ma’ tibdil fid-dar, li jinkludu dawk ta’ imġiba kif ukoll strutturali.

X’inhu l-proġett Water Champion?

Ċentru Water – Be the Change